سونف کے فوائد

سونف گردے اور مثانے کا ورم دور کرنے کے لیے بہت موثر غذا سمجھی جاتی ہے ۔

سونف میں زنانہ ہارمون،ایسٹرجن جیسی خاصیت بھی ہوتی ہے ۔اس لحاظ سے خواتین کے لیے انتہائی فائدے مند ہوتی ہے ۔

سونف نظام ِ ہاضمہ کو بہتر کرتی ہے ۔

پیٹ کے درد اور قولنج میں بے حد فائدہ دیتی ہے ۔

بینائی کو قائم رکھنے کے لیے اس کے ساتھ جوشاندہ یا بادیان سبز کے پانی میں سرمہ کی طرح پیس کر آنکھوں میں لگاتے ہیں ۔

سونف کی جڑ چھ ماشہ رگڑ کر پینے سے کمر درد میں بہتری آتی ہے ۔

سونف کی جڑ معدے کی فضول رطوبت کو خارج کرتی ہے ۔

سونف کمزوری دماغ کے لیے بہترین دوا ہے ۔

تلی اور مثانے کے امراض کو دور کرتی ہے ۔

سونف بلغم کو دور کرتی ہے ۔

سونف کی جڑ دائمی قبض کے لیے مفید ہے ۔

بچوں کو عرق سونف پلانے سے ان کی بد ہضمی کی شکایت دور ہو جاتی ہے ۔

دردِ شکم کو فوری دور کرنے کے لیے سونف کے تیل کی چند بوندیں لینا مفید ہے ۔

سونف کا سفوف ایک ماشہ کھانا معدے کی جلن کو دور کرتا ہے ۔

منہ میں تھوڑی سی سونف ڈال کر چباتے رہنے سے بیٹھی ہوئی آواز ٹھیک ہو جاتی ہے ۔

سونف کا سفوف ٹھنڈے پانی کے ساتھ پھانکنا بخار میں ہونے والی متلی کو روک دیتا ہے اور معدے کی سوزش کو دور کرتا ہے ۔