منظوم کلام حضرت مسیح موعود علیہ السلام

جمال و حُسنِ قرآں نورِ جانِ ہر مُسلماں ہے

قمر ہے چاند اَوروں کا ہمارا چاند قرآں ہے

نظیر اُس کی نہیں جمتی نظر میں فکر کر دیکھا

بھلا کیونکر نہ ہو یکتا کلامِ پاک رحماں ہے

بہارِ جاوداں پیدا ہے اس کی ہر عبارت میں

نہ وہ خوبی چمن میں ہے نہ اس سا کوئی بستاں ہے

خدا کے قول سے قولِ بشر کیونکر برابر ہو

وہاں قدرت یہاں درماندگی فرقِ نمایاں ہے

ہمیں کچھ کِیں نہیں بھائیو! نصیحت ہے غریبانہ

کوئی جو پاک دل ہووے دل و جاں اُس پہ قرباں ہے

(براہینِ احمدیہ حصہ سوم جلد 1 صفحہ 198-204)