منظوم کلام حضرت اقدس مسیح موعود علیہ الصلوٰۃ والسلام (جلسہ سالانہ برطانیہ ۲۰۲۴ء کے تیسرے اجلاس میں پڑھے جانے والے اشعار)

اے خدا اے کارساز و عیب پوش و کردگار

اے مرے پیارے مرے محسن مرے پروردگار

کس طرح تیرا کروں اے ذو المنن شکر و سپاس

وہ زباں لاؤں کہاں سے جس سے ہو یہ کار و بار

ملّتِ احمدؐ کی مالک نے جو ڈالی تھی بنا

آج پوری ہو رہی ہے اے عزیزانِ دیار

کیا تماشا ہے کہ میں کافر ہوں تم مومن ہوئے

پھر بھی اس کافر کا حامی ہے وہ مقبولوں کا یار

یہ اگر انساں کا ہوتا کاروبار اے ناقصاں

ایسے کاذب کے لئے کافی تھا وہ پروردگار

کچھ نہ تھی حاجت تمہاری نَے تمہارے مکر کی

خود مجھے نابود کرتا وہ جہاں کا شہریار

ہے کوئی کاذب جہاں میں لاؤ لوگو کچھ نظیر

میرے جیسی جس کی تائیدیں ہوئی ہوں بار بار

میں وہ پانی ہوں کہ آیا آسماں سے وقت پر

میں وہ ہوں نورِ خدا جس سے ہوا دن آشکار

یہ فتوحات نمایاں یہ تواتر سے نشاں

کیا یہ ممکن ہیں بشر سے کیا یہ مکاروں کا کار