ہنسنا منع ہے!

٭… استاد۔ شاگرد سے a b c سناؤ۔

شاگرد: a b c

استاد: اَور سناؤ۔

شاگرد: الحمد للہ سب ٹھیک ٹھاک! آپ کیسے ہیں؟

(سدیلہ احمد۔ لنگے، سیرالیون)

٭… بیوی: اَجی سنتے ہو۔

شوہر: ہاں سن رہا ہوں۔ کیا بات ہے؟

بیوی: میں کہہ رہی تھی کہ میں آپ کو دوپہر میں مُرغا نہ بنا دوں؟

شوہر: نہیں میں انسان ہی ٹھیک ہوں۔

(میر حزیم احمد، لنگے۔ سیرالیون)

٭… سلیم کلیم کے گھر گیا تو تیز بارش شروع ہو گئی۔ کلیم نے سلیم کو کہا: آج یہیں رہ جاؤ بارش بہت تیز ہے۔

سلیم: ٹھیک ہے۔

کلیم اس کے لیے بستر ٹھیک کرکے فارغ ہوا دیکھا تو سلیم غائب تھا، تھوڑی دیر بعد سلیم بارش میں بھیگا ہوا اس کے پاس آیا۔

کلیم: کہاں گئے تھے؟

سلیم: میں گھر والوں کو بتانے گیا تھا کہ آج بارش کی وجہ سے میں کلیم کے گھر رات گزاروں گا۔

٭… آصف: کل میں مسجد کے اونچے مینار سے گر پڑا۔

اویس: تو بچ کس طرح گئے؟

آصف: معلوم نہیں۔ میری تو گرتے ہی آنکھ کھل گئی۔

٭… کسٹم آفیسر اپنی ریٹائرمنٹ والے دن ایک ٹرک والے سے پوچھتا ہے: میں نے بہت دفعہ تمہارے ٹرک کی تلاشی لی مگر کچھ برآمد نہیں ہوا، تم کیا کاروبار کرتے ہو؟

آدمی: میں اسمگلنگ کرتا ہوں۔

کسٹم آفیسر: مگر کبھی بھی کچھ برآمد نہیں ہوا۔ تم اسمگل کیا کرتےہو؟

آدمی: ٹرک۔

٭… ریاض: آپ کے پاس ماچس ہے؟

فیاض نے جیب سے لائٹر نکالا اور بولا: یہ لائٹر لے لیجئے۔

ریاض(غصے سے): بھئی میں اس سے دانتوں میں کیسے خلال کر سکتا ہوں؟

٭… اسد (گھاس پر پڑی شبنم دیکھ کر): آجکل یہ گرمی کتنی پڑ رہی ہے؟

فہد: ارے جنوری میں گرمی کہاں؟

اسد: یہ گرمی نہیں تو کیا ہے؟ گھاس کو بھی پسینہ آ رہا ہے۔

٭… استاد(پپو سے): موسلادھار کا جملہ بناؤ۔

پپو: سر مجھے موسلادھار کا مطلب نہیں آتا۔

استاد: موسلادھار کا مطلب ہے بہت سخت، زور سے۔ اب جملہ بناؤ۔

پپو: کل میں مقابلے میں موسلادھار دوڑوں گا۔