مسجد نصرت جہاں کوپن ہیگن، ڈنمارک میں قرآن سیمینار کا انعقاد

اللہ تعالیٰ کے فضل و کرم سے جماعت احمدیہ ڈنمارک کو مورخہ ۲۶؍اکتوبر۲۰۲۴ء کو بعد نماز ظہر مسجدنصرت جہاں کوپن ہیگن، ڈنمارک میں قرآن سیمینار منعقد کرنے کی توفیق ملی۔

سیمینار کی صدارت مکرم محمد زکریا خان صاحب امیر و مبلغ انچارج جماعت احمدیہ ڈنمارک نے کی۔ تلاوت قرآن کریم و نظم کے بعد مکرم خاور احمد صاحب نے ’’حفاظت قرآن کریم‘‘ کے موضوع پر، خاکسار (مربی سلسلہ) نے ’’تلاوت قرآن کریم کی اہمیت‘‘ پر اور مکرم فلاح الدین ملک صاحب (مربی سلسلہ) نے ڈینش زبان میں ’’حفاظت قرآن کریم‘‘ کے موضوعات پر تقاریر کیں۔ آخر پر مکرم امیر صاحب نے مختلف سوالات کے جواب دیے اور دعا کے ساتھ یہ سیمینار اختتام پذیر ہوا جس کے بعد احباب جماعت کی خدمت میں کھانا پیش کیا گیا۔

٭…٭…٭