The Ugli Fruit

گو خدا کی بنائی ہوئی ہر چیز ہی اپنے اندرایک خوبصورتی رکھتی ہے تاہم انسان کی نظر اور سوچ کسی بھی چیز کی خوبصورتی کا معیار ٹھہرتی ہے۔ دنیا کے مغرب میں اور امریکہ کے وسط میں جزیرہ نما ملک جمیکا میں ایک پھل پایا جاتا ہے جسے بدصورت پھل کہا جاتا ہے۔

اگلی فروٹ (ugli fruit)کا نام اس پھل کی غیر دلکش شکل کی طرف اشارہ کرتا ہے، حالانکہ اس کا ذائقہ بہت میٹھا، کھٹا اور خوشبودار ہوتا ہے۔ ugli دراصل ugly (بدصورت) سے مبدل ہے۔ اس کے چھلکے کی سطح کھردری، ناہموار اور بےترتیب ہوتی ہے، جو دیگر سٹرس یعنی کھٹے پھلوں کے مقابلے میں زیادہ دلکش نظر نہیں آتی۔ یہ نام اس خاص قسم کے پھل کے لیے ایک رجسٹرڈ ٹریڈ مارک ہے، جو Jamaicaسے شروع ہوا۔ اسے Jamaican tangelo بھی کہا جاتا ہے۔

جمیکن ٹینجلو ایک ہائبرڈ سنترہ ہے جو گریپ فروٹ (pomelo)، سویلو اورنج(Seville orange) اور ٹینجرین (tangerine)کے قدرتی امتزاج سے وجود میں آیا ہے۔ اگلی پھل کا نام ۱۹۳۴ء میں اس وقت پڑا جب ایک درآمد کنندہ نے کہا: !more of that ugly fruit یعنی مزید وہ بدصورت پھل بھجوائیں!

اگلی پھل شکل میں نارنگی اور گریپ فروٹ سے مشابہت رکھتا ہے، لیکن اس کا ذائقہ گریپ فروٹ سے کہیں زیادہ میٹھا ہوتا ہے۔ جو ٹینجیرین اور پومیلو کے امتزاج سے پیدا ہوتا ہے۔ یہ پھل کیریبین ممالک میں، خاص طور پر جمیکا میں اگایا جاتا ہے، جہاں اسے مقامی طور پر اور تجارتی سطح پر فروخت کیا جاتا ہے۔

جمیکن ٹینجلو ایک نہایت خوشبودار، لذیذ اور غذائیت سے بھرپور پھل ہے اورصحت کے لحاظ سے بھی بے شمار فوائد رکھتا ہے۔ اس کی کاشت اور استعمال دنیا بھر میں بڑھ رہا ہے اور یہ کیریبین خطے کے ثقافتی اور غذائی منظرنامے کا حصہ بن چکا ہے۔

جمیکن ٹینجلو کا سائز پومیلو سے چھوٹا اور ٹینجیرین سے بڑا ہوتا ہے۔ اس کی چھال پتلی اور نرم ہوتی ہے، جسے اُتارنا آسان ہوتا ہے۔ امریکی شعبہ زراعت (USDA) کے مطابق، ٹینجلو میں وٹامن C کی کافی مقدار ہوتی ہے جو جسم کے مدافعتی نظام کو تقویت فراہم کرتی ہے اور جلد کی صحت کو بہتر بناتی ہے۔

اس کے علاوہ، فائبر کی موجودگی نظام ہاضمہ کو بہتر بنانے میں مدد دیتی ہے، جو اسے صحت مند زندگی کے لیے ایک بہترین انتخاب بناتا ہے۔

جمیکن ٹینجلو کو مختلف طریقوں سے استعمال کیا جا سکتا ہے۔ اسے کچا کھایا جا سکتا ہے یا اس کا جوس نکال کر پیا جا سکتا ہے۔ اس کے جوس کو اسموتھیز، کولڈ ڈرنکس یا دیگر مشروبات میں شامل کیا جا سکتا ہے، جو گرمیوں کے موسم میں تازگی فراہم کرتا ہے۔ اس کا جوس اور گودا مٹھائیوں میں بھی استعمال ہوتا ہے، جہاں اس کا ذائقہ ان پکوانوں میں ایک منفرد خوشبو اور لذت پیدا کرتا ہے۔

جرنل Food Chemistry کے مطابق، سنترہ اور اس کے ہائبرڈ کی اقسام میں وٹامن C اور دیگر اینٹی آکسیڈنٹس کی زیادہ مقدار ہوتی ہے جو دل کی صحت کے لیے فائدہ مند ثابت ہوتی ہے۔

جمیکن ٹینجلو مقامی ثقافت میں بھی اہم کردار ادا کرتا ہے۔ کیریبین خطے میں یہ پھل مقامی کھانوں میں استعمال کیا جاتا ہے اور مختلف ثقافتی تقریبات میں اس کا استعمال کیا جاتا ہے۔ Caribbean Agricultural Research and Development Institute کے مطابق، یہ پھل ثقافت اور خوراک کے شعبے میں اپنی جگہ بنا چکا ہے۔

جمیکن ٹینجلو کی کاشت کے لیے معتدل اور گرم آب و ہوا کی ضرورت ہوتی ہے، اور یہ پھل کیریبین خطے کے علاوہ مختلف دیگر علاقوں میں بھی اگایا جاتا ہے جہاں موسم گرم ہو۔ ٹینجلو کی پیداوار کیریبین اور دیگر گرم ممالک میں بڑھ رہی ہے، اور یہ تجارتی طور پر ایک اہم فصل بنتی جا رہی ہے۔

کنو، مالٹا، سنگترہ، گریپ فروٹ سٹرس فروٹس کی ہر قسم ہی نرالی ہے۔ اب اسے اگلی فروٹ کہیں یا سنترے کی شکل کا پھل کہیں ! خدا تعالیٰ نے اس ہائبرڈ پھل میں بھی ایسی خصوصیات رکھ دی ہیں جو انسان کے لیے مفید ہی ہیں۔ اور یہی ایک انسان کی خوبی ہونی چاہیے کہ بے شک وہ ظاہری طور پر بد حال یا بد شکل ہولیکن اصل خوبصورتی اس کے اندر کی خوبی ہے۔

٭…٭…٭