جماعت احمدیہ بنگلہ دیش کی لوکل امارت میرپور میں وصیت سیمینار کا با برکت انعقاد

27 جنوری 2025ء

0 ایک منٹ سے بھی پہلے

اللہ تعالیٰ کے فضل سے بنگلہ دیش کی جماعت میرپور میں مورخہ ۲۵؍اکتوبر۲۰۲۴ء بروز جمعۃ المبارک نماز جمعہ و عصر کے بعد ایک وصیت سیمینار کا انعقاد کیا گیا۔ اس پروگرام کی صدارت مکرم نصیرالدین احمد صاحب (قائم مقام امیر جماعت میرپور) نے کی۔

پروگرام کا آغاز تلاوت قرآن کریم، دعا اور اردو نظم سے ہوا۔ اس کے بعد مکرم محبوب الرحمٰن صاحب جنرل سیکرٹری جماعت احمدیہ بنگلہ دیش نے ’’وصیت کے فوائد اور برکات‘‘ پر اور مکرم جی ایم فیروز احمد صاحب سیکرٹری مال جماعت احمدیہ بنگلہ دیش نے ’’موصیان کی ذمہ داریوں‘‘ کے موضوعات پر تقاریر کیں۔

پروگرام کے اختتام پر صدر اجلاس نے دعا کرائی۔ اس سیمینار میں کُل ۱۵۰؍احباب و خواتین نے شرکت کی۔

(رپورٹ:نویدالرحمٰن۔ نمائندہ الفضل انٹرنیشنل)

٭…٭…٭