انار کے چھلکوں کے حیران کن فوائد
انار کے بہت زیادہ فوائد کی وجہ سے اس کو ہر کوئی شوق سے کھاتا ہے۔ لیکن بدقسمتی سے لوگ انار کھا کر اس کے چھلکے کچرے میں پھینک دیتے ہیں جبکہ ان چھلکوں کے استعمال میں بے شمار فوائد ہیں۔
ویب سائٹ ’ہیلتھی بلڈرز‘ کے مطابق ماہرین غذائیات کا کہنا ہے کہ انار کے چھلکے میں متعدد اقسام کے غذائی اجزا وافر مقدار میں پائے جاتے ہیں جن کے حصول کا بہترین طریقہ انار کا قہوہ ہے۔ یہ قہوہ انار کے سوکھے چھلکے کے سفوف سے بنتی ہے۔
یہ سفوف بنانے کے ليے آپ انار کے چھلکے صاف پانی سے اچھی طرح دھونے کے بعد دھوپ میں رکھ کر خشک کر لیں۔ خشک ہونے کے بعد ان چھلکوں کو چھوٹے چھوٹے ٹکڑوں میں توڑ لیں۔ آپ انہیں پیس سکتے ہیں، یا بلینڈر یا کافی گرائینڈر میں ڈال کر بھی ان کا سفوف بنا سکتے ہیں۔ اس سفوف کو آپ عام کافی پاؤڈر کی طرح بوتل میں ڈال کر فریج میں محفوظ کر سکتے ہیں۔ چائے بنانے کے ليے ایک کپ پانی میں ایک چمچ انار کے چھلکے کا پاؤڈر ڈالیں۔ اسے چند منٹ تک ابالیں اور پھر چھان لیں۔ آپ اس چائے میں لیموں کا رس اور شہد بھی شامل کر سکتے ہیں۔
اس قدرتی قہوہ کا ذائقہ بہت ہی لاجواب ہوتاہے اور صحت کے فوائد الگ ہیں۔ یہ چائے آپ کے نظام انہضام کو درست کر دیتی ہے لہٰذا قبض اور بدہضمی سے پریشان لوگوں کو اس کا استعمال ضرور کرنا چاہیے۔ یہ دل کی بیماری کے خدشے کو کم کرتی ہے، جلد کو ترو تازہ کرتی ہے، دوران خون کو بہتر کرتی ہے حتیٰ کہ کینسر جیسی موذی بیماری سے تحفظ میں بھی مدد گار ثابت ہوتی ہے۔
انار کے چھلکوں کے دیگر فوائد
کثر ت پیشا ب کے لیے:کثر ت پیشا ب کے لیے ایک انار کا چھلکا دھوپ میں رکھ کر سکھا لیں۔ اب اس کو باریک پیس لیں اور چھ ما شہ پانی کے ساتھ روزانہ استعمال کر یں۔ مثانے کی گر می اور پیشاب بار بار آنے کا شافی علاج ہے۔
پیٹ کے درد کے لیے:انا رکا چھلکا پیٹ کے درد اور پیٹ کے امر اض کے لیے بہترین ہے۔ اس کے چھلکوں، پتوں اور چھال کو پیٹ کی متعدد بیماریو ں کے لیے استعمال کیا جا تا ہے۔
آئر ن کی کمی:انا ر کے دانو ں میں آئرن کی بھرپور مقدار مو جو د ہے لیکن اس کے چھلکے بھی کسی سے کم نہیں۔ اس کے چھلکوں کا استعمال آئرن کی کمی کو پورا کرتا ہے۔
خشک انا ر کے چھلکوں کا سفوف بنا کر دن میں ایک بار تازہ پانی سے استعمال کر نے سے آئرن کی کمی دور ہو تی ہے۔
سانس کی بد بو کے لیے:سانس کی بد بو کے لیے انار کے چھلکوں کو پانی میں ابا ل کر اس پانی سے کلی کر نے سے سانس کی بد بو دور ہو تی ہے۔
بو اسیر کے لیے:بواسیر میں انار کے چھلکو ں کا پاؤڈر بےحد اکسیر ہے۔ بادی اور خو نی دونوں قسم کی بواسیر کے لیے اس کے چھلکو ں کا سفو ف صبح شام پانی کے ساتھ ایک چمچ کھانے سے بواسیر میں افاقہ ہو تا ہے۔
کھانسی کے لیے:کھانسی کے لیے انار کے چھلکو ں کو منہ میں رکھ کر چو سنے سے کھانسی رک جاتی ہے۔
چہر ے کے داغ دھبو ں کے لیے:دو چمچ انار کے چھلکوں کا پاؤڈر لے کراس میں ایک چمچ لیموں کا رس اور شہد ملا کر پیسٹ بنا لیں۔ اس کو چہرے پر پندرہ منٹ تک لگا رہنے دیں۔ اس کے بعد نیم گرم پانی سے دھو لیں۔ اس سے چہرے اور گردن کے داغ دھبے ختم ہونے کے ساتھ رنگت کے نکھار میں بھی اضا فہ ہوتا ہے۔
گر تے بالوں کے لیے:کسی بھی تیل میں انار کے چھلکوں کا پاؤڈر ملا لیں۔ اب اس تیل کو بالوں کی جڑوں پر لگا کر اچھی طر ح مساج کر یں۔ صبح اٹھ کر بالوں کو شیمپو سے دھو لیں۔ اس سے نہ صرف بال گر نا بند ہو جائیں گے بلکہ بالوں کی خشکی بھی ختم ہو جائے گی۔
ٹانسلز اور گلے کی خر اش:تین چائے کے چمچ انار کے چھلکے کا پاؤڈر پانی میں ابال لیں۔ اب اس کو چھان کر نیم گر م ہو نے پر غر ارے کر یں۔ اس سے گلے کی خر اش اور ٹانسلز میں افا قہ ہو گا۔
دانتو ں اور مسو ڑھوں کے لیے: انار کے چھلکے کے پاؤڈر میں ایک چٹکی پسی ہو ئی کالی مرچ ملا کر دانتو ں پر منجن کرنے سے دانت سفید ہو جاتے ہیں۔ اس کا منجن مسو ڑھو ں کو مضبو ط کر تا ہے اور خون آنے سے روکتا ہے۔
وزن کم کر نے کے لیے:ایک انار کے چھلکے کا پاؤڈر لے کر اس میں ایک چمچ پسی ہو ئی ادرک ملا کر ایک کپ پانی میں ابالیں۔ اس کو نہار منہ پینے سے وزن میں کمی ہوگی اور کولیسٹرول بھی کم ہو گا۔
(نوٹ: اس مضمون میں عمومی معلومات دی گئی ہیں۔ قارئین اپنے مخصوص طبی حالات کے پیش نظر اپنے ڈاکٹر یا جی پی (GP)سے مشورہ کریں۔)
(مرسلہ:غزالہ خرم۔جرمنی)
مزید پڑھیں: آلو بخارے اور اِملی کی چٹنی
