گلاب جامن

(مرسلہ : اسماء بشیر۔ جرمنی )

اجزا

خشک دودھ 1کپ

الائچی پاؤڈر آدھا چمچ

بیکنگ پاؤڈر آدھا چائےکا چمچ

میدہ ایک چمچ

انڈا ایک عدد

مکھن ایک بڑا چمچ

چاشنی کے لیے اجزا

پانی دو کپ

چینی ایک کپ

زردہ رنگ حسب ضرورت

لیمو ں کا رس دو چمچ

سبز الائچی حسب ضرورت

ترکیب

سب سے پہلے چاشنی بنانے کے لیے دو کپ پانی میں ایک کپ چینی ڈال کر ہلکی آنچ پر رکھ دیں۔ پھر زردہ رنگ، تھوڑاسا لیموں کا رس اور سبز الائچی ڈال دیں۔ چولہے پر ہلکی آنچ پر چاشنی پکتی رہے۔

گلاب جامن بنانے کے لیے ایک کپ خشک دودھ میں آدھا چمچ الائچی پاؤڈر،آدھا چمچ بیکنگ پاؤڈر اور ایک چمچ میدہ ڈال کر مکس کرلیں۔ اب اس میں ایک انڈا اور پگھلا ہوا مکھن ڈال کر اچھی طرح گوندھ لیں۔ ہاتھوں پر تھوڑا سا آئل لگا کر فوراً اس کے بالز بنا لیں اور پھر ان سارے بالز کو ہلکی آنچ پر گرم کیے ہوئے تیل میں ڈال دیں اور جب دیکھیں کہ بالز تیل میں پک کر تیل کی سطح پر اوپرآگئے ہیں تو ایک بڑے چمچ کی مدد سے انہیں تیل میں نیچے ڈبوئیں اور آنچ درمیانی کر دیں۔ ان کو تین سے پانچ منٹ تک تیل میں فرائی کریں یہاں تک یہ سب گولڈن براؤن ہو جائیں۔ گولڈن براؤن ہونے پر فوراً انہیں نکال کر چاشنی میں ڈال دیں اور پندرہ منٹ تک اس میں پڑا رہنے دیں۔ آنچ بند کر دیں۔ ڈش میں نکال کر کوکونٹ پاؤڈر، پستہ، بادام یا من پسند ڈرائی فروٹس سے گارنش کر لیں۔

٭…٭…٭