ارشاد حضرت خلیفۃ المسیح الخامس ایدہ اللہ تعالیٰ بنصرہ العزیز

مورخہ ۳؍نومبر۲۰۰۶ء کو تحریک جدید کے نئے سال کا اعلان فرماتے ہوئے مطالبات تحریک جدید کے ضمن میں حضور انور ایدہ اللہ تعالیٰ بنصرہ العزیز نے اپنےخطبہ جمعہ میں فرمایا: ’’ایک مطالبہ نو جوانوں کا بیکاری کی عادت ختم کرنے کا تھا۔ یہ بھی بڑی خطرناک بیماری ہے اور بڑھتی جارہی ہے۔ پاکستان میں بعض بے کار نوجوان اس لئے بے کار ہیں کہ یا تو ان کے جو رشتہ دار، والدین ، بھائی وغیرہ باہر ہیں وہ باہر سے رقم بھیج دیتے ہیں اس لئے ذمہ داری کا احساس نہیں ۔ یا اس امید پر بیٹھے ہیں کہ باہر جانا ہے۔ اب باہر جانا بھی اتنا آسان نہیں رہا، ان لوگوں کو بھی غلط امیدوں پر نہیں بیٹھنا چاہئے۔ اور جو آتے ہیں ان کے بھی یہاں اتنی آسانی سے کیس پاس نہیں ہوتے ۔اس لئے بلا وجہ وقت ضائع نہیں کرنا چاہئے اور دھو کے میں نہ رہیں۔ اپنے نفس کو دھوکہ نہ دیں اور اپنے آپ کو سنبھالیں ۔ جماعت اور ذیلی تنظیموں کو بھی اس بارے میں معین پروگرام بنانا چاہئے اور نو جوانوں کو سنبھالنا چاہئے۔‘‘

(خطبہ جمعہ فرمودہ ۳؍نومبر۲۰۰۶ء /خطبات مسرور جلد چہارم صفحہ۵۵۵)

(مرسلہ: وکالت صنعت و تجارت)