جماعت احمدیہ ڈنمارک کی حالیہ بعض تبلیغی مساعی

اللہ تعالیٰ کے فضل سے جماعت احمدیہ ڈنمارک کو جنوری اور فروری ۲۰۲۵ء میں چھ شہروں میں تبلیغی اسٹینڈ لگانے کی توفیق ملی۔ اب تک۵۴؍تبلیغی سٹینڈ لگائے جاچکے ہیں۔

کوپن ہیگن میں کیونکہ جماعتی اور ذیلی تنظیموں کی طرف سے مختلف پروگرام منعقد کیے جاتے ہیں اس لیے تبلیغی سٹال کے لیے شیلینڈ ریجن کے نسبتاً چھوٹے شہروں کا انتخاب کیا گیا جن کی آباد ی دس ہزار سے زائد ہے۔ مقامی کونسل اور پولیس سے اس سلسلہ میں باقاعدہ اجازت لی گئی اور اس پروگرام کا مقصد بیان کیا گیا۔ اکثر کونسلز نے اس پروگرام کو سراہا۔ یہ سٹالز ہر شہر کے مین بازار میں لگائے گئے۔ ٹینٹ پر ‘مسلمز فار پیس’ اور ‘محبت سب کے لیے نفرت کسی سے نہیں’ لکھا ہوا تھا۔ اسی طرح مسجد نصرت جہاں کی تصویر کو بیک گراؤنڈ میں پرنٹ کروا کر لگایا گیا۔ جن شہروں میں تبلیغی سٹالز لگائے گئے ان کی تفصیل درج ذیل ہے۔

تاثرات:مختلف شہروں میں تبلیغی سٹالز کو دیکھ کر اکثر لوگ رکتے اور خوشی کا اظہار کرتے کہ آپ کا یہ امن کا پیغام بہت اچھا ہے اور یہ وقت کی ضرورت ہے کہ ہم اس موضوع پر بات چیت کریں۔ کئی احباب خاص طور پر اخبار میں اس اسٹینڈ کی خبر پڑھ کر سٹینڈ پر تشریف لائے۔ کچھ احباب گزرتے ہوئے ہاتھ کے اشارہ سے پسندیدگی کا اظہار کرتے۔ کئی یہودی احباب بھی سٹال پر تشریف لائے اور اسرائیل اور حماس کے درمیان جنگ کے بارے میں اپنے خدشات کا اظہار کیا۔ الحمدللہ، اب اکثر شہروں میں تیسری دفعہ تبلیغی سٹال لگانے کی توفیق ملی ہے۔ کچھ لوگ ایسے بھی ملے جو گذشتہ دفعہ جماعتی لٹریچر لے چکے تھے اور وہ دوبارہ سٹال پر تشریف لائے اور نئے لٹریچر کا مطالبہ کیا۔

میڈیا کوریج:چھ مختلف شہروں کے اخبارات اور سوشل میڈیا نے ان تبلیغی سٹالزکی خبر شائع کی۔ ان سٹالز پر قرآن کریم، جماعتی تعارف پر مبنی فولڈرز اور دیگر جماعتی کتب تقسیم کی گئیں۔

(رپورٹ: محمد اکرم محمود۔ نمائندہ الفضل انٹرنیشنل)

مزید پڑھیں: ناروے میں جلسہ یوم مصلح موعود کا بابرکت انعقاد