حضرت خلیفۃ المسیح الخامس ایدہ اللہ تعالیٰ بنصرہ العزیز کی مصروفیات

مورخہ ۳۱؍مارچ تا ۶؍اپریل ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے:
٭…۳۱؍مارچ بروز سوموار: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ عید الفطر ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ عید کے لیے ملاحظہ فرمائیں الفضل انٹرنیشنل ۳؍اپریل ۲۰۲۵ء)
٭…حضور انور نے آج شام نمازِ عصرومغرب کے درمیان اسلام آباد کا راؤنڈ فرمایا جس کے دوران حضورِ انور نے مزارِ مبارک حضرت خلیفۃ المسیح الرابعؒ پر دعا کی۔ نیز حضور انور نے اس موقع پر موجود بچوں میں چاکلیٹس تقسیم فرمائیں۔
٭…۴؍اپریل بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل ۷؍اپریل ۲۰۲۵ء)
٭…۵؍اپریل بروز ہفتہ: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرم اصغر علی بھنڈر صاحب ابن مکرم چودھری برکت علی صاحب (مورڈن۔ یوکے) اور مکرم دانیال احمد صاحب ابن مکرم مبارک احمد صاحب (برمنگھم ویسٹ۔یوکے) کی نماز جنازہ حاضر اور چھ مرحومین کی نماز جنازہ غائب پڑھائی۔
٭…حضور انور آج ڈیڑھ بجے کے قریب اپنے دفتر سے باہر تشریف لائے جہاں تعلیم الاسلام کالج اولڈسٹوڈنٹس ایسو سی ایشن یوکے کے عاملہ ممبران کی حضور انور کے ساتھ گروپ فوٹو ہوئی۔
٭…حضور انورنے آج بعد نماز عصر نو نکاحوں کا اعلان فرمایا اور ان کے بابرکت ہونے کے لیے دعا کروائی۔ (تفصیلات صفحہ ۲ پرملاحظہ فرمائیں)
٭…۶؍اپریل بروز اتوار: آج نماز ظہر و عصر سے قبل مجلس خدام الاحمدیہ امریکہ کے ساؤتھ ویسٹ ریجن کے ۱۸؍خدام کی حضور انور کے ساتھ اسلام آباد میں ملاقات ہوئی۔
اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔

اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا

مزید پڑھیں: ڈائری مکرم عابد خان صاحب سے ایک انتخاب(دورۂ یورپ۔ ستمبر و اکتوبر ۲۰۱۹ء کے چند واقعات۔ حصہ اول)