متفرق شعراء
پاک دربار دا ملنگ مستان سی
ناں اوہدا طاہر، گیانی پہچان سی
اوہ انسان وی مثالی انسان سی
ٹُر گیا اگلے جہان چھڈ دنیا
آیا ہویا دنیا تے اِک مہمان سی
میں وی اوہدے نال کجھ وقت گذاریا
اک واری میرا وی اوہ ھویا مہمان سی
پھلاں وانگوں ہاسہ اوہدے کھڑدا سی مُنہ تے
نرم طبیعت تے شستہ زبان سی
رگاں وچ لہو سی وفادار باپ دا
اپنے بزرگاں دا رکھدا اوہ مان سی
علم خزانہ اونہوں ورثے چوں ملیا
گل دی دلیل دیندا وچوں قرآن سی
حق دی اوہ گل اُتّے ڈٹ جان والا سی
بندہ پنج مار تے دلیر مہان سی
وجکا کمال دا سی اوہدا پر آپوں اوہ
پاک دربار دا ملنگ مستان سی
صفتاں تے ھور وی بتھیریاں نے اوہدیاں
مُکدی مکاواں بندہ عاجز انسان سی
جنت نصیب ھووے شالا میرے یار نوں
رب دی رضا ملے شالا میرے یار نوں
