سَیِّدُ الْاِسْتِغْفَار

حضرت بریدہؓ بیان کرتے ہیں کہ نبی اکرمﷺ نے فرمایا کہ جو شخص صبح یا شام یہ دعا پڑھے اور پھر اس دن یا رات فوت ہوجائے تو وہ جنت میں داخل ہوگا۔

اَللّٰهُمَّ اَنْتَ رَبِّيْ لَا اِلٰهَ اِلَّا اَنْتَ خَلَقْتَنِيْ وَاَنَا عَبْدُكَ وَاَنَا عَلٰى عَهْدِكَ وَ وَعْدِكَ مَا اسْتَطَعْتُ
اَعُوْذُ بِكَ مِنْ شَرِّ مَا صَنَعْتُ اَبُوْءُ لَكَ بِنِعْمَتِكَ عَلَيَّ وَاَبُوْءُ لَكَ بِذَنْبِيْ فَاغْفِرْلِیْ فَاِنَّهٗ لَا يَغْفِرُ الذُّنُوْبَ اِلَّا اَنْتَ

(بخاری کتاب الدعوات باب ما یقول اذا اصبح)

ترجمہ: اے اللہ! تو میرا ربّ ہے، تیرے سوا کوئی عبادت کے لائق نہیں ، تو نے ہی مجھے پیدا کیا ہے اور مَیں تیرا بندہ ہوں ، اور میں حسب توفیق تیرے عہد اور وعدے پر قائم ہوں ،مَیں اپنے عمل کے شر سے تیری پناہ میں آتا ہوں ،مَیں اپنے اوپر تیری نعمتوں اور احسانوں کا اعتراف کرتا ہوں۔ اور تیرے سامنے اپنے گناہوں کا بھی اقرار کرتا ہوں پس تو مجھے بخش دے کیونکہ تیرے سوا کوئی گنا ہوں کو بخشنے والا نہیں۔

(مناجات رسولﷺ، خزینۃ الدعا صفحہ ۱۱۵)

مزید پڑھیں: سب قسم کے گناہوں سے استغفار کرتے رہنا چاہیے