زکوٰۃ ادا کرنے کی نصیحت

حضرت عبداللہ بن عمروؓ روایت کرتے ہیں کہ ایک عورت اپنی بیٹی کو ساتھ لے کر آنحضرت صلی اللہ علیہ وسلم کی خدمت میں آئی، اس کی بیٹی نے سونے کے بھاری کنگن پہنے ہوئے تھے۔ حضورؐ نے اس عورت سے پوچھا کہ کیا ان کی زکوٰۃ بھی دیتی ہو؟ اس نے جواب دیا نہیں یا رسول اللہ! تو آپؐ نے فرمایا کہ کیا تُو پسند کرتی ہے کہ اللہ تعالیٰ قیامت کے دن تجھے آگ کے کنگن پہنائے؟ راوی کہتے ہیں کہ اس عورت نے دونوں کنگن اتار کر انہیں رسول اللہ صلی اللہ علیہ وسلم کے سامنے ڈال دیا اور بولی یہ اللہ عزّو جلّ اور اس کے رسولؐ کےلیےہیں۔(سنن ابوداؤد، کتاب الزکوٰۃ، باب الکنزما ھو وزکوٰۃ الحلی)

مزید پڑھیں: رسول کریم ﷺ پر درود بھیجنا پاکیزگی اور ترقی کا ذریعہ