متفرق شعراء
مہدی کے قافلے کے اے سالار تُو جیے
مہدی کے قافلے کے اے سالار تُو جیے
خوشیاں ہماری تجھ کو لگیں یار تُو جیے
دل خوش ہے تیری صورتِ اطہر کو دیکھ کے
رحمت کے ابر رونقِ گلزار تُو جیے
چمکے افق پہ یوں ہی تو اے چودھویں کے چاند
رہبر ہمارے سیدِ ابرار تُو جیے
یہ روح و جسم و دل کہ تجھے سونپتے ہیں ہم
اے حرز جان اے مرے غم خوار تُو جیے
اے کاش مجھ کو پھر ترا دیدار ہو نصیب
اے میرے دل کے بادشاہ سردار تُو جیے
سو بار تجھ پہ وار دے محمودؔ اپنی جان
ہر بار اس خیال سے سو بار تُو جیے
(بشارت محمود طاہر)
مزید پڑھیں: دل کا پرچہ۔ الفضل
