متفرق شعراء
نعت رسول مقبول صلی اللہ علیہ وسلم
مَرا جان و دِل ست فِدائے محمدؐ
فِدا خاکِ اَم خاکِ پاءِ محمدؐ
خدا کی قسم ساری جنت کی رونق
ہے اک ذرّۂ گردِ پائے محمدؐ
جہاں میں چراغاں ہیں سب نور سے جو
ہے وہ روشنی سب ضیائے محمدؐ
نہ دیکھا کسی نے جمالِ حقیقت
ہے آئینۂ کبریائے محمدؐ
نمودِ حق و جلوۂ ذاتِ باری
ہے لبریز اس سے سِنائے محمدؐ
ہے جلوۂ حق جلوہ گاہِ محمدؐ
رضائے خدا ہے رضائے محمدؐ
نہاں جس میں اسرارِ حق کی حقیقت
حقیقت میں ہے وہ ہُدائے محمدؐ
اگر بخششِ عام کی ہے تمنا
تو کافی ہے بس اک دعائے محمدؐ
نہ خالی کوئی اس کے در سے ہے لوٹا
ہوئے بادشہ بھی گدائے محمدؐ
اِلٰہ و ملائک بھی پڑھتے ہیں ہر دم
دُرود و سلام و ثنائے محمدؐ
رہوں گا گرانبارِ احسان آقا
جو ہو مال و جاں سب فدائے محمد
بِمانَد قِیامَت فُیوضات جارِی
کَرَمها و جُود و سخائِ محمدؐ
(تنویراحمدناصر۔ قادیان)
