مومن کی معراج پانچوں نمازیں
الصلوة عمادالدین
حفاظت کا پہرہ ہیں پانچوں نمازیں
ہدایت کا رستہ ہیں پانچوں نمازیں
شریعت کا منبع ہیں پانچوں نمازیں
که رحمت کا دریا ہیں پانچوں نمازیں
بدی سے بچاتی ہیں پانچوں نمازیں
خدا سے ملاتی ہیں پانچوں نمازیں
مسلسل ریاضت ہیں پانچوں نمازیں
سراپا عقیدت ہیں پانچوں نمازیں
دلوں کی سکینت ہیں پانچوں نمازیں
کہ انمول دولت ہیں پانچوں نمازیں
خزانوں سے بھرپور پانچوں نمازیں
اندھیروں میں ہیں نُور پانچوں نمازیں
چمکتا سا خورشید پانچوں نمازیں
دعا، حمد، تمجید پانچوں نمازیں
ہیں بخشش کی امید پانچوں نمازیں
ہیں اقرارِ توحید پانچوں نمازیں
ہیں مومن کی معراج پانچوں نمازیں
عبادت کا ہیں تاج پانچوں نمازیں
ہیں وحدت کا پیغام پانچوں نمازیں
خدا کا ہیں انعام پانچوں نمازیں
کریں دُور اوہام پانچوں نمازیں
کہ ہیں دینِ اسلام پانچوں نمازیں
ہمارا تو مسلک ہیں پانچوں نمازیں
کہ آنکھوں کی ٹھنڈک ہیں پانچوں نمازیں
(قدسیہ نور فضا)
مزید پڑھیں: تجھ سے ہے مرے پیار کا رشتہ بھی انوکھا
