لجنہ اماء اللہ منروویا، لائبیریا کا جلسہ یوم خلافت
اللہ تعالیٰ کے فضل سے لجنہ اماء اللہ منروویا، لائبیریا کا جلسہ یوم خلافت ۲۵؍مئی کو مکرمہ عفت حلیم صاحبہ نیشنل صدر کی زیر صدرات منعقد ہوا۔
جلسہ کا آغاز تلاوت قرآن کریم و ترجمہ سے ہوا جس کے بعد نظام خلافت کا تعارف پیش کیا گیا۔ حدیث مبارکہ اور نظم پیش کیے جانے کے بعد تقاریر کا سلسلہ شروع ہوا۔ عزیزہ عبیرہ یحیٰ صاحبہ، عزیزہ فریحہ عارف صاحبہ، مکرمہ آمنہ صادقہ صاحبہ اور مکرمہ ماہم ہادی صاحبہ نے بالترتیب خلافت کی اہمیت، خلافت کی برکات، خلیفۂ وقت کی احباب جماعت سے محبت اور ایک احمدی ماں کی اپنے بچوں میں خلافت سے محبت پیدا کرنے کے کردار پر روشنی ڈالی۔ آخر پر مکرمہ صدر صاحبہ نےعہدِ خلافت دہرایا اور استحکام خلافت کی ذمہ داریوں کے متعلق شاملین کی توجہ مبذول کروائی۔ بعدہٗ ایک کوئز پروگرام کا بھی انعقاد کیا گیا جس میں خلافت کے حوالہ سے سوالات پوچھے گئے۔ جلسہ کے اختتام پر ترانے اور نظمیں بھی پیش کی گئیں۔ اس موقع پر کلواجمیعا اور ناصرات کے لیے ورزشی مقابلہ جات کا بھی اہتمام کیا گیا۔ جلسہ کی کل حاضری ۳۰ رہی جس میں تین غیر از جماعت خواتین نےبھی شمولیت اختیار کی۔
(رپورٹ:فرخ شبیر لودھی۔ نمائندہ الفضل انٹرنیشنل)
