حضرت خلیفۃ المسیح الخامس ایدہ اللہ تعالیٰ بنصرہ العزیز کی مصروفیات

مورخہ ۲۴تا ۳۰؍مارچ ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے:

٭…۲۵؍مارچ بروز منگل: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرمہ زکیہ مرزا صاحبہ اہلیہ مکرم سلیم احمد مرزا صاحب مرحوم (ساؤتھ فیلڈز۔ یوکے) کی نماز جنازہ حاضر اور چھ مرحومین کی نماز جنازہ غائب پڑھائی۔

٭…۲۶؍مارچ بروز بدھ: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرمہ رشیدہ کشور رفیع صاحبہ اہلیہ مکرم محمد رفیع صاحب سابق نیشنل سیکرٹری رشتہ ناطہ یوکے (ساؤتھ چیم۔ یوکے) کی نماز جنازہ حاضر اور چھ مرحومین کی نماز جنازہ غائب پڑھائی۔

٭…۲۷؍مارچ بروز جمعرات: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرمہ عصمت خاتون صاحبہ اہلیہ مکرم ملک محمود الرحمان صاحب (حلقہ بیت الفتوح۔ یوکے) کی نماز جنازہ حاضر اور پانچ مرحومین کی نماز جنازہ غائب پڑھائی۔

٭…۲۸؍مارچ بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل ۳۱؍مارچ ۲۰۲۵ء)

٭…۲۹؍مارچ بروز ہفتہ: حضورِ انور ايدہ اللہ تعاليٰ بنصرہ العزیز نے آج صبح ساڑھے گیارہ بجے مسجد مبارک، اسلام آباد یوکے ميں تشریف لاکر نماز کسوف پڑھائی اور اس کے بعد خطبہ ارشاد فرمایا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ کسوفِ شمس کے لیے ملاحظہ فرمائیں الفضل انٹرنیشنل ۲؍اپریل ۲۰۲۵ء)

٭…۳۰؍مارچ بروز اتوار: حضورِ انور ايدہ اللہ تعاليٰ بنصرہ العزیز آج نماز مغرب سے کچھ دیر قبل مسجد مبارک، اسلام آباد میں تشریف لائے۔ معتکفین کو حضور انور کے ساتھ ملاقات کرنے اور گروپ فوٹو اتروانے کی سعادت ملی۔ بعد ازاں حضور انور مستورات کے ہال میں تشریف لے گئے جہاں پر معتکفات کو بھی حضور انور کے ساتھ ملاقات کی سعادت ملی۔ بعد ازاںحضور انور نے اسلام آباد کے کچن کا معائنہ فرمایا جس کے بعد حضور انور اپنی رہائش گاہ میں تشریف لے گئے۔

٭…حضور انور نے آج نمازِ مغرب کے بعد ماہِ شوّال کا چاند دیکھ کر دعا کی۔

اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔

اَللّٰھُمَّ اَیِّدْ اِمَامَنَا بِرُوْحِ الْقُدُسِ
وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا

مزید پڑھیں: ڈائری مکرم عابد خان صاحب سے ایک انتخاب(دورۂ یورپ۔ ستمبر و اکتوبر ۲۰۱۹ء کے چند واقعات۔ حصہ اول)