بچوں کا الفضل
ہنسنا منع ہے!
٭… ٹیچر: یہ تمہارے ساتھ چھوٹا بچہ کون ہے؟
شاگرد:یہ ہمارا بھائی شرافت ہے۔
ٹیچر:تو اس کو سکول کیوں لائے ہو۔
شاگرد:آپ نے ہی تو کل کہا تھا کہ شرافت کے ساتھ سکول آیا کرو۔
(مطہر احمد ناصر۔ مالی)
٭…پپو دکان سے ماچس لے کر گھر آیا تو اس کے ابو نے کہا :بیٹا اس میں تو سب تیلیاں جلی ہوئی ہیں۔
پپو: جی! میں نے احتیاطاً ساری تیلیاں جلا کر چیک کی تھیں۔ سب تیلیاں جلتی بھی ہیں یا نہیں۔
(عفان احمد منگلا)
٭… ڈاکٹر: روزانہ گیم کیا کرو۔
ثمر: میں روز فٹبال کھیلتا ہوں۔
ڈاکٹر: کتنی دیر۔
ثمر:جب تک موبائل کی بیٹری ختم نہ ہو جائے۔
(زرمینہ کوثر، ثمر احمد)
٭… سلیم (ایکسیڈنٹ کے بعد کلیم کی عیادت کرتے ہوئے): جب کار آرہی تھی تو تمہیں سڑک سے دور ہٹ جانا چاہیے تھا ناں!
کلیم: کون سی سڑک بھائی؟میں تو پارک میں بیٹھا ہوا تھا۔ نجانے کہاں سے گاڑی آٹپکی۔
(فارس محمود حمزہ۔ سیرالیون)
