حضور انور ایدہ اللہ تعالیٰ کی مسجد مبارک اسلام آباد، ٹلفورڈ میں تقاریب آمین میں بابرکت شرکت

7 جنوری 2020ء

0 ایک منٹ سے بھی پہلے

(عطاء المجیب راشد۔ امام مسجد فضل لندن)

برطانیہ میں ان دنوں موسم ِسرما جاری ہے۔ سردی کے ان دنوں میں اللہ تعالیٰ نے احمدی بچوں کے لیے روحانی تمازت ، خوشی اور رونق کے دو مواقع پیدا کردیے۔ 21اور 22دسمبر 2019ء (بروز ہفتہ و اتوار) کو مسجد مبارک ، اسلام آباد، یوکے میں قرآن مجید کا پہلا دور مکمل کرنے کے بعد احمدی بچیوں اور بچوں کو حضرت خلیفۃ المسیح الخامس ایدہ اللہ تعالیٰ کے ساتھ آمین کی بابرکت تقریب میں شمولیت کا موقع ملا۔ پہلے روز 12 بچیوں اور 16 بچوں نے اور دوسرے روز 12 بچیوں اور 17 بچوں نے یہ سعادت پائی۔ الحمدللہ کہ مجموعی طور پر ملک کے مختلف علاقوں سے آئے ہوئے 57 احمدی بچوں نے ان دو تقاریب میں شمولیت کی۔ یہ امر قابلِ ذکر ہے کہ ہفتہ کے روز یہ تقریب نماز ظہر و عصر سے قبل منعقد ہوئی جب کہ اتوار کے روز یہ تقریب سابقہ معمول کے مطابق نماز ظہر و عصر کے بعد ہوئی۔ اس سعادت سے بہرہ ور ہونے والے بچوں اور بچیوں کے اسماء درج ذیل ہیں۔

وہ خوش نصیب بچیاں جن کی آمین 21؍دسمبر 2019ء کو ہوئی