بچوں کا الفضل
منظوم کلام حضرت مسیح موعودؑ
یارو خودی سے باز بھی آؤ گے یا نہیں؟
خُو اپنی پاک صاف بناؤ گے یا نہیں؟
باطل سے مَیل دل کی ہٹاؤ گے یا نہیں؟
حق کی طرف رجوع بھی لاؤ گے یا نہیں؟
کب تک رہو گے ضد و تعصّب میں ڈوبتے؟
آخر قدم بصِدق اٹھاؤ گے یا نہیں؟
کیونکر کرو گے ردّ جو محقّق ہے ایک بات؟
کچھ ہوش کر کے عذر سناؤ گے یا نہیں؟
سچ سچ کہو اگر نہ بنا تم سے کچھ جواب
پھر بھی یہ منہ جہاں کو دکھاؤ گے یا نہیں؟
(براہین احمدیہ حصہ دوم صفحہ 139مطبوعہ 1880ء)
