حضرت خلیفۃ المسیح الخامس ایدہ اللہ تعالیٰ بنصرہ العزیز کی مصروفیات

مورخہ ۹تا ۱۵؍دسمبر۲۰۲۴ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے:

٭…۹؍دسمبر بروز سوموار: آج نماز ظہر و عصر سے قبل جرمنی میں تعینات آفس مربیان سلسلہ اور واقفین زندگی کی حضور انور کے ساتھ ایم ٹی اے سٹوڈیوز، اسلام آباد میں ملاقات ہوئی۔

٭…اس ملاقات سے قبل حضور انور نے ایم ٹی اے سٹوڈیوز میں تشریف لاکر جماعت احمدیہ کی تاجک ویب سائٹ www.islamahmadiyya-tj.org کا اجرا فرمایا اور دعا کروائی۔ (تفصیلی رپورٹ کے لیے ملاحظہ فرمائیں الفضل انٹرنیشنل ۱۶؍دسمبر۲۰۲۴ء)

٭…۱۳؍دسمبر بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل ۱۶؍دسمبر۲۰۲۴ء)

٭…۱۴؍دسمبر بروز ہفتہ: حضور انورنے آج بعد نماز ظہر و عصر پانچ نکاحوں کا اعلان فرمایا اور ان کے بابرکت ہونے کے لیے دعا کروائی۔ (تفصیلات صفحہ ۲ پرملاحظہ فرمائیں)

٭…۱۵؍دسمبر بروز اتوار: نماز ظہر و عصر سے قبل اراکین نیشنل عاملہ لجنہ اماء اللہ یوکے کی حضور انور کے ساتھ اسلام آباد میں ملاقات ہوئی۔

اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔

اَللّٰھُمَّ اَیِّدْ اِمَامَنَا بِرُوْحِ الْقُدُسِ
وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا