اعلان برائے داخلہ جامعہ احمد یہ یو کے2020ء

جامعہ احمدیہ یوکے کی درجہ ممہدہ کے لیے داخلہ ٹیسٹ (تحریری امتحان و انٹرویو)15اور16جولائی 2020ء کو انشاء اللہ

جامعہ احمدیہ یو کے میں ہو گا۔ داخلہ ٹیسٹ میں شمولیت کے قواعد حسب ذیل ہیں:

تعلیمی معیار

درخواست دہندہ کے کم از کم چھ مضامین میں جی سی ایس ای (GCSE)کم از کم تین مضامین میں اے لیولز (A-Levels)یا اس کے مسا وی تعلیم میںCگریڈ سے کم گریڈ یا 60%سے کم نمبر نہ ہوں۔

عمر

جی سی ایس ای (GCSE)پا س کر نے والے طالب علم کی زیادہ سے زیادہ عمر17سال اور اے لیولز (A-Levels)پا س کرنے والے طالب علم کی زیادہ سے زیادہ عمر19سال ہونی چاہیے۔

میڈیکل سرٹیفیکیٹ

درخواست دہندہ کی صحت کے متعلق ڈاکٹر (GP)کی طرف سے میڈیکل سرٹیفیکیٹ انگریزی زبان میں درخواست کے ساتھ منسلک ہونا چا ہیے۔

تحریر ی ٹیسٹ و انٹرویو

در خواست دہندہ کا ایک تحریری ٹیسٹ اور ایک انٹرویو ہوگا۔جس میں سے ہر دو میں پاس ہونا لازمی ہے۔ انٹرویو کے لیے صرف اسی کینڈیڈیٹ کو بلایا جائے گا جو تحریری ٹیسٹ میں کامیاب قرار پائے گا۔تحریری ٹیسٹ اور انٹرویو کے لیے قرآن کریم ناظرہ، وقف نو سلیبس اور انگریزی و اردو زبان لکھنا، پڑھنا اور بولنا بنیادی نصاب ہو گا۔ تاہم ترجمہ قرآن کریم اور کتب حضرت اقدس مسیح موعود علیہ السلام کے بارہ میں بھی کینڈیڈیٹ کا اس طور پر جائزہ لیا جائے گا کہ اس میں ان کے پڑھنے کا رجحان موجود ہے کہ نہیں۔

درخواست دینے کا طریق

درخواست، متعلقہ درخواست فارم پر درج ذیل دستاویزات کے ساتھ ہی قابل قبول ہو گی، نا مکمل درخواست پر کارروائی نہیں کی جائے گی

1۔ درخواست فارم مع تصدیق نیشنل امیر صا حب ۔2۔درخواست دہندہ کی صحت کی بابت میڈیکل سرٹیفیکیٹ (بزبان انگریزی )۔3۔ جی سی ایس ای /اے لیولزکے سرٹیفیکیٹ کی مصدقہ نقل۔نتیجہ کے انتظار کی صورت میں سکول یا ٹیوٹر کی طرف سے متوقع گریڈز (Projected Grades) پر مشتمل خط۔4۔ پاسپورٹ کی مصدقہ نقل۔5۔ درخواست دہندہ کی ایک عدد پاسپورٹ سائز فوٹو۔6۔درخواست دہندہ کے برتھ سرٹیفیکیٹ کی مصدقہ نقل۔

متفرق ہدایات

1۔ درخواست میں کینڈیڈیٹ کے نام کے سپیلنگ وہی لکھے جائیں جو پاسپورٹ میں درج ہیں۔2۔ مصدقہ درخواست جامعہ احمدیہ یوکے میں30مئی2020ء تک پہنچنی لازمی ہے، اس کے بعد موصول ہونے والی درخواستوں پر کارروائی نہیں کی جائے گی۔3۔جامعہ احمدیہ یو کے کا ایڈریس درج ذیل ہے:

Jamia Ahmadiyya UK
Branksome Place, Hindhead Road,
Haslemere. GU27 3PN
Tel:+44(0)1428647170 / +44(0)1428647173
Mob:+44(0)7988461368 / Fax:+44(0)1428647188

4۔ رابطہ کے لیے جامعہ احمدیہ کے اوقات سوموار تا ہفتہ صبح آٹھ بجے سے دوپہر دو بجے تک ہیں۔

(پرنسپل جامعہ احمد یہ یو کے)

٭…٭…٭