تجھ سے ہے مرے پیار کا رشتہ بھی انوکھا

چہرے پہ تبسُّم ہے تو آنکھوں میں حیا ہے
پُر نور سراپا ہے کہ اک باد صبا ہے

دل میں ہے ترے پیار کی خوشبو کا بسیرا
اک رشتۂ جاں تجھ سے مجھے حدّ سے سوا ہے

روشن ہیں ترے دم سے مرے شام و سحر بھی
تاریک سی راتوں کا مری تو ہی دیا ہے

ہر سمت ہے تاریک سی راتوں کا بسیرا
عالم میں ترے دم سے ہر اک سمت ضیا ہے

تجھ سے ہے مرے پیار کا رشتہ بھی انوکھا
دل ہے کہ مرا تیری محبت میں بھرا ہے

(طارقؔ بشیر۔یوکے)

مزید پڑھیں: دل میں اک احساسِ ہستی کی جھلک باقی رہی