مکتوب ایشیا (اکتوبر ۲۰۲۶ء)
براعظم ایشیا کےچند اہم واقعات و تازہ حالات کا خلاصہ
انڈونیشیا کے جنگلات میں آگ، فضائی آلودگی اور ماحولیاتی بحران
اکتوبر ۲۰۲۶ءکے دوران انڈونیشیا کو گذشتہ ایک دہائی سے زائد عرصے کے شدید ترین جنگلاتی اور زمینی آتش زدگی کے بحران کا سامنا رہا۔ ملک کے جزیرے Sumatra اور Borneo کے مختلف علاقوں میں جنگلات، زرعی زمینوں اور دلدلی Peatlands میں آگ پھیلنے سے بڑے پیمانے پر فضائی آلودگی پیدا ہوگئی۔جنگلات میں لگنے والی آگ کا دھواں انڈونیشیا کی سرحدوں سے نکل کر ملائیشیا، سنگاپور اور جنوب مشرقی ایشیا کے دیگر علاقوں تک پہنچا۔ اس کے نتیجے میں شہری آبادی کو سانس لینے میں مشکلات، آنکھوں میں جلن اور دیگر طبی مسائل کا سامنا کرنا پڑا، جبکہ بعض علاقوں میں تعلیمی ادارے بھی بند کرنا پڑے۔خبر رساں ادارے رائٹرز کے مطابق انڈونیشیا کی یہ جنگلاتی آگ گذشتہ گیارہ برس کے دوران شدید ترین صورت اختیار کر گئی ۔
درج ذیل چھ صوبوںکو آگ پر قابو پانے کے لیے خصوصی ترجیح دی گئی:
۶۹؍ہزار سے زائد اہلکاروں کو آگ بجھانے اور نگرانی کے لیے متحرک کیا گیا۔تقریباً ۵۰؍طیاروں کے ذریعے پانی گرانے اور آگ بجھانے کی کارروائیاں کی گئیں۔
متاثرہ علاقوں میں ہیلی کاپٹروں کے ذریعے واٹر بمبنگ کی گئی۔خشک بادلوں میں بارش پیدا کرنے کے لیے کلاؤڈ سیڈنگ (Cloud Seeding) کی کارروائیاں شروع کی گئیں۔جنگلات اور پیٹ لینڈز میں نئے آتش زدہ مقامات کی نشاندہی کے لیے سیٹلائٹ نگرانی بڑھائی گئی۔غیر قانونی طور پر زمین صاف کرنے اور آگ لگانے کے ذمہ دار افراد اور کمپنیوں کے خلاف قانونی کارروائیوں پر توجہ دی گئی۔۱۵؍اکتوبر کو صدر پرابوو سوبیانتو نے قدرتی آفات اور پیٹ لینڈز کے انتظام سے متعلق اداروں میں نئی تقرریاں بھی کیں۔ حکومت نے غیر ملکی امداد کی پیشکشوں کا جائزہ لینے کا عندیہ دیا۔
امریکہ، ایران کشیدگی اور آبنائے ہرمز کی صورتحال
امریکہ، اسرائیل اور ایران کے درمیان جاری جنگ مشرقِ وسطیٰ کی سلامتی، عالمی معیشت اور توانائی کی منڈیوں کے لیے ایک بڑا چیلنج بنی رہی ہے ۔ فروری ۲۰۲۶ءمیں شروع ہونے والے اس تنازعے کے نتیجے میں آبنائے ہرمز عالمی توجہ کا مرکز بن گئی، جہاں بحری جہازوں پر حملوں، امریکی بحری پابندیوں اور ایران کی جانب سے گزرگاہ پر کنٹرول برقرار رکھنے کی کوششوں نے صورتِ حال کو مزید پیچیدہ بنا دیا۔تازہ ترین صورتحال یہ ہے کہ اکتوبر کے دوران آبنائے ہرمز اور اس کے گردونواح میں تجارتی جہازوں اور آئل ٹینکروں پر حملوں میں نمایاں اضافہ ہوا۔ خبر رساں ادارے رائٹرز کی رپورٹ کے مطابق ۲۸ ستمبر سے ۵؍اکتوبر کے درمیان تیل اور گیس بردار جہازوں پر کم از کم ۱۲ حملے ریکارڈ کیے گئے ۔ ۲۳؍اکتوبر تک واشنگٹن انسٹی ٹیوٹ کے مرتب کردہ اعدادوشمار کے مطابق اکتوبر میں اس علاقے میں ۲۸؍حملے رپورٹ ہو چکے تھے۔ ۱۴؍اکتوبر کو الجزیرہ کی رپورٹ کے مطابق ایران نے آبنائے ہرمز میں بحری نگرانی بڑھانے اور نئے نگران یونٹس تعینات کرنے کا اعلان کیا۔ ایران کا مؤقف تھا کہ امریکی اور اسرائیلی فوجی کارروائیوں کے تناظر میں یہ اقدامات اس کی قومی سلامتی اور بحری مفادات کے تحفظ کے لیے ضروری ہیں۔ دوسری جانب امریکہ نے ایرانی بندرگاہوں کی بحری ناکہ بندی جاری رکھی۔ اکتوبر میں قطر کی ثالثی سے امریکہ اور ایران کے درمیان مذاکراتی رابطے جاری رہے۔ ایران نے آبنائے ہرمز میں معمول کی بحری آمدورفت بحال کرنے کے لیے سات شرائط پیش کیں، جن میں امریکی بحری ناکہ بندی کا خاتمہ اور پابندیوں میں نرمی شامل تھیں۔ تاہم ۱۱ اکتوبر کو ایرانی حکام نے امریکی جواب کو ناکافی قرار دیا، جس کے باعث مذاکرات میں پیش رفت محدود رہی۔ آبنائے ہرمز میں کشیدگی کے باعث عالمی منڈی میں تیل کی قیمتوں میں اضافہ ہوا۔ سعودی عرب نے آبنائے ہرمز کے متبادل کے طور پر اپنی مشرق تا مغرب تیل پائپ لائن کے ذریعے ترسیل بڑھانے کی کوشش کی۔ خلیجی ممالک نے جنگ کے پھیلاؤ اور اپنی توانائی کی تنصیبات کو لاحق خطرات پر تشویش ظاہر کی۔ قطر نے امریکہ اور ایران کے درمیان سفارتی رابطوں میں ثالثی کا کردار جاری رکھا، جبکہ سعودی عرب نے آبنائے ہرمز کے متبادل تجارتی راستوں کو فعال بنانے پر توجہ دی۔ عالمی سطح پر آزادانہ بحری آمدورفت اور جنگ بندی کے لیے سفارتی کوششیں بھی جاری رہیں۔ ۳۰؍اکتوبر کی واشنگٹن پوسٹ کی رپورٹ کے مطابق امریکی قیادت میں بحری جہازوں کی حفاظت کے اقدامات کے باعث آبنائے ہرمز سے تیل کی ترسیل میں کچھ بہتری آئی اور اکتوبر کے وسط تک برآمدات جنگ سے پہلے کی سطح کے تقریباً ۸۰فیصد تک پہنچ گئیں۔
آرمینیامیں اقوام متحدہ کی حیاتیاتی تنوّع کانفرنس
اقوام متحدہ کی حیاتیاتی تنوّع سے متعلق ۱۷ویں کانفرنس COP17 مورخہ ۱۹سے ۳۱ اکتوبر ۲۰۲۶ء تک آرمینیا کے دارالحکومت یریوان میں منعقد ہوئی۔
یہ کانفرنس Convention on Biological Diversity – CBD کے تحت منعقد ہونے والا ایک اہم عالمی اجلاس تھا، جس میں دنیا کے مختلف ممالک کے نمائندوں، ماحولیاتی ماہرین، سائنس دانوں، بین الاقوامی اداروں اور ماحولیاتی تنظیموں نے شرکت کی۔کانفرنس کا بنیادی مقصد دنیا میں پودوں، جانوروں، جنگلات، سمندری حیات اور قدرتی ماحولیاتی نظام کے تحفظ کے لیے عالمی کوششوں کا جائزہ لینا اور ۲۰۳۰ء تک مقرر کردہ اہداف کے حصول کو تیز کرنا تھا۔
COP17 کے اہم مقاصد درج ذیل تھے:حیاتیاتی تنوّع میں کمی اور قدرتی ماحول کی تباہی کو روکنا۔جنگلات، دریاؤں، جھیلوں اور سمندری حیات کا تحفظ۔معدومیت کے خطرے سے دوچار جانوروں اور پودوں کی حفاظت۔قدرتی وسائل کے پائیدار استعمال کو فروغ دینا۔ترقی پذیر ممالک کو ماحولیاتی تحفظ کے لیے مالی اور تکنیکی معاونت فراہم کرنا۔موسمیاتی تبدیلی اور حیاتیاتی تنوّع کے مسائل کو مشترکہ طور پر حل کرنا۔مقامی اور قدیم آبادیوں کو قدرتی وسائل کے تحفظ کے فیصلوں میں شامل کرنا۔
کانفرنس کا مرکزی موضوع ۲۰۲۲ء میں منظور ہونے والے عالمی حیاتیاتی تنوّع کے فریم ورک پر عمل درآمد تھا۔اس فریم ورک کے تحت ۲۰۳۰ء تک ۲۳ عالمی اہداف مقرر کیے گئے ہیں۔ ان میں سب سے نمایاں اہداف یہ ہیں: دنیا کی کم از کم ۳۰؍ فیصد زمینی اور سمندری سطح کو محفوظ علاقوں میں تبدیل کرنا۔تباہ شدہ قدرتی ماحولیاتی نظام کے کم از کم تیس فیصد حصے کی بحالی۔حیاتیاتی تنوّع کے لیے نقصان دہ مالی مراعات اور سبسڈیز میں اصلاحات۔آلودگی اور غیر ضروری کیمیائی مادوں کے استعمال میں کمی۔قدرتی وسائل کے پائیدار استعمال کو یقینی بنانا۔معدومیت کے خطرے سے دوچار انواع کے تحفظ کے لیے اقدامات۔
کانفرنس کا سب سے اہم نتیجہ یریوان پاتھ وے تھا، جس کا مقصد۲۰۳۰ء تک حیاتیاتی تنوّع کے عالمی اہداف کے حصول کے لیے اقدامات کو تیز کرنا ہے۔اس میں درج ذیل ترجیحات شامل کی گئیں:ممالک اپنے قومی ماحولیاتی منصوبوں پر مؤثر عمل درآمد کریں۔حیاتیاتی تنوّع کے تحفظ کے لیے مالی وسائل میں اضافہ کیا جائے۔سائنسی تحقیق اور ماحولیاتی نگرانی کو بہتر بنایا جائے۔حکومتوں، نجی شعبے اور مقامی آبادیوں کے درمیان تعاون بڑھایا جائے۔قدرتی ماحول کو نقصان پہنچانے والی معاشی سرگرمیوں میں اصلاحات کی جائیں۔کانفرنس میں حیاتیاتی تنوّع کے تحفظ کے لیے تقریباً دو ارب ڈالر کی نئی مالی معاونت اور سرمایہ کاری کے اعلانات سامنے آئے۔کانفرنس میں جنگلات، ساحلی علاقوں، سمندری ماحولیاتی نظام اور محفوظ قدرتی علاقوں کے تحفظ پر بھی فیصلے کیے گئے۔خصوصاً:جنگلات کی حیاتیاتی تنوّع کی حفاظت۔سمندری اور ساحلی ماحولیاتی نظام کی بحالی۔غیر مقامی حملہ آور انواع (Invasive Alien Species) کی روک تھام۔جنگلی حیات کے پائیدار انتظام کو فروغ دینا۔حیاتیاتی تنوّع کے تحفظ میں سائنسی تحقیق کا استعمال۔ آرمینیا کی جغرافیائی اہمیت کو مدنظر رکھتے ہوئے کانفرنس میں پہاڑی اور میٹھے پانی کے ماحولیاتی نظام پر خصوصی توجہ دی گئی۔
شمالی اور جنوبی کوریا کے درمیان فوجی کشیدگی میں اضافہ
اکتوبر ۲۰۲۶ءکے دوران جزیرہ نما کوریا میں شمالی اور جنوبی کوریا کے درمیان فوجی کشیدگی میں اضافہ دیکھنے میں آیا۔ شمالی کوریا نے اس مہینے بیلسٹک میزائلوں اور آبدوز سے داغے جانے والے کروز میزائلوں کے متعدد تجربات کیے، جس سے جنوبی کوریا، جاپان اور امریکہ میں سکیورٹی خدشات بڑھ گئے۔شمالی کوریا کے راہنما کم جونگ اُن کی حکومت ان تجربات کو اپنی دفاعی صلاحیت، بحری طاقت اور تزویراتی ڈیٹرنس مضبوط بنانے کی کوشش قرار دیتی ہے، جبکہ جنوبی کوریا اور اس کے اتحادی انہیں علاقائی امن و استحکام کے لیے خطرہ سمجھتے ہیں۔ اکتوبر کے دوران ہونے والے تجربات نے واضح کیا کہ جزیرہ نما کوریا میں میزائلوں اور جدید ہتھیاروں کی دوڑ جاری ہے۔ اکتوبر کے آغاز میں شمالی کوریا نے اپنے مشرقی ساحلی علاقے وونسان (Wonsan) سے ایک بیلسٹک میزائل سمندر کی جانب داغا۔جنوبی کوریا کی فوج کے مطابق میزائل نے تقریباً ۷۰۰ کلومیٹر سے زیادہ فاصلہ طے کیا۔ جاپان کے کوسٹ گارڈ نے بھی میزائل کے ممکنہ تجربے کی تصدیق کرتے ہوئے سمندر میں موجود جہازوں کو احتیاطی تدابیر اختیار کرنے کی ہدایت کی۔جنوبی کوریا کی قومی سلامتی کونسل نے ہنگامی اجلاس منعقد کیا اور امریکہ و جاپان کے ساتھ معلومات کا تبادلہ بڑھانے کا فیصلہ کیا۔ ۱۲؍اکتوبر کو شمالی کوریا نے پیانگ یانگ کے علاقے سے مشرقی سمندر کی جانب متعدد بیلسٹک میزائل داغے۔جنوبی کوریا کے جوائنٹ چیفس آف اسٹاف کے مطابق میزائلوں میں سے کم از کم ایک نے ۹۰۰کلومیٹر سے زیادہ فاصلہ طے کیا۔جنوبی کوریا کے حکام نے اس تجربے کو اپنے حالیہ ہائپرسونک میزائل تجربے کے تناظر میں شمالی کوریا کی جانب سے طاقت کے اظہار سے تعبیر کیا۔ شمالی کوریا نے اپنے میزائل پروگرام کو دفاعی صلاحیت میں اضافے کا حصہ قرار دیا۔ سب سے اہم دفاعی واقعہ ۱۴؍اکتوبر کو پیش آیا، جب شمالی کوریا نے اپنے مشرقی ساحل کے قریب آبدوز سے دو اقسام کے اسٹریٹجک کروز میزائلوں کے تجربات کیے۔شمالی کوریا کے سرکاری خبر رساں ادارے KCNA نے ۱۵؍اکتوبر کو ان تجربات کی اطلاع دی۔ جنوبی کوریا کی فوج نے بھی میزائلوں کی نقل و حرکت کی نگرانی اور تجربات کا سراغ لگانے کی تصدیق کی۔رپورٹس کے مطابق،ایک میزائل عمودی لانچنگ سسٹم کے ذریعے داغا گیا۔دوسرا میزائل آبدوز کے ٹارپیڈو ٹیوب سے لانچ کیا گیا۔ان تجربات کا مقصد آبدوز کے زیرِ آب جنگی نظام اور بحریہ کی عملی صلاحیتوں کا جائزہ لینا تھا۔
۲۹؍اکتوبر کو شمالی کوریا نے وونسان کے قریب سے تقریباً دس مختصر فاصلے تک مار کرنے والے بیلسٹک میزائل مشرقی سمندر کی جانب داغے۔جنوبی کوریا کی فوج کے مطابق ان میزائلوں نے تقریباً ۲۵۰؍ کلومیٹر کا فاصلہ طے کیا۔ جاپان نے بھی میزائلوں کی نگرانی کی اور بتایا کہ بظاہر کوئی میزائل اس کے خصوصی اقتصادی سمندری علاقے میں نہیں گرا۔جنوبی کوریا نے ان تجربات کو اقوام متحدہ کی سلامتی کونسل کی متعلقہ قراردادوں کی خلاف ورزی قرار دیتے ہوئے مذمت کی۔ اس واقعے کے بعد جنوبی کوریا نے ہنگامی سلامتی اجلاس منعقد کیا اور امریکہ و جاپان کے ساتھ دفاعی رابطوں میں اضافہ کیا۔رائٹرز کے مطابق یہ اکتوبر کے دوران شمالی کوریا کا تیسرا نمایاں میزائل لانچ تھا۔ ماہرین کے مطابق اکتوبر کے تجربات کے پیچھے کئی اہم مقاصد کارفرما ہو سکتے ہیں۔جنوبی کوریا نے شمالی کوریا کے میزائل تجربات کے جواب میں اپنی دفاعی نگرانی اور فوجی تیاری میں اضافہ کیا۔شمالی کوریا کے میزائل لانچوں کی مسلسل نگرانی کی گئی۔امریکہ اور جاپان کے ساتھ انٹیلی جنس معلومات کا تبادلہ کیا گیا۔میزائل دفاعی نظام اور قومی سلامتی کے انتظامات کا جائزہ لیا گیا۔جنوبی کوریا نے شمالی کوریا کے تجربات کو علاقائی امن کے لیے خطرہ قرار دیا۔صدر لی جے میونگ کی حکومت نے دفاعی صلاحیتوں کو جدید بنانے پر توجہ برقرار رکھی۔خصوصاً ۸؍اکتوبر کو جنوبی کوریا نے اپنے مقامی طور پر تیار کردہ ہائپرسونک گلائیڈ وہیکل کا پہلا تجرباتی تجربہ کیا تھا، جس کے بعد شمالی کوریا نے میزائل سرگرمیاں تیز کیں۔ امریکہ اور جاپان نے جنوبی کوریا کے ساتھ مل کر شمالی کوریا کے میزائل تجربات کی نگرانی اور دفاعی تعاون جاری رکھا۔امریکہ کے لیے شمالی کوریا کا بڑھتا ہوا میزائل پروگرام نہ صرف جنوبی کوریا میں موجود امریکی فوجی اڈوں بلکہ جاپان اور خطے میں امریکی مفادات کے لیے بھی سلامتی کا اہم مسئلہ ہے۔جاپان نے میزائلوں کے ممکنہ سمندری اثرات کے پیش نظر اپنے بحری جہازوں اور ساحلی نگرانی کے نظام کو متحرک رکھا۔
مزید پڑھیں: مکتوب افریقہ (ستمبر ۲۰۲۶ء)
